Fréttir

Fimmtudaginn 24. október tóku tveir nemendur í Ösp, þau Birta María Guðbergsdóttir og Bjarki Sölvi Fjeldsted ásamt Eygló Alexandersdóttir þroskaþjálfa í Ösp, á móti rausnarlegum stryk frá Blue bílaleigu sem kemur í framhaldi af góðferðafesti Blue sem haldið er ár hvert. Styrkurinn hljóðar upp á 1,4 milljón króna sem kemur til með að nýtast starfsemi Aspar á komandi skólaári. Það er mikilvægt fyrir Ösp, sérhæft námsúrræði, að finna fyrir velvild nærsamfélagsins í sínu starfi. Við þökkum eigendum og starfsmönnum Blue bílaleigu kærlega fyrir þennan rausnarlega styrk.

Miðvikudaginn 30.október mun verða haldin fyrirlestur á sal Njarðvíkurskóla fyrir forráðamenn og starfsfólk nemenda í 6.-10. bekk, frá klukkan 19:30-21:00. Margrét Lilja Guðmundsdóttir þekkingarstjóri hjá Planet Youth mun kynna og ræða niðurstöður rannsókna sem tengjast mikilvægi forráðamanna í að byggja upp sterkan grunn fyrir börnin sín. Við vilj­um að börn­un­um okk­ar líði vel, því þurf­um við að geta átt gott samtal um öryggi þeirra og velferð. Fjallað eru um mikilvægi forráðamanna og hvaða þátt þeir spila í að byggja upp sterkan grunn og bakland fyrir börnin sín. Hvað vitum við? Hverjar eru áskoranirnar og hverju þurfa forráðamenn að huga að til að styðja við börn sín á sem bestan hátt. Mikilvægt er að sem flestir forráðamenn mæti og sýni í verki að þeir séu virkir þátttakendur á vinnustað barnanna sinna.

Föstudaginn 25. október og mánudaginn 28. október er vetrarfrí í Njarðvíkurskóla. Enginn kennsla er þessa daga og frístundaheimili skólans, bæði í skóla og í Ösp er lokað. Vonum að allir hafi það gott í vetrarleyfinu. Friday, October 25th. and Monday, October 28th. is the school's winter break. There are no classes these days and the after school program, both in school and in Ösp, is closed. We wish everyone a good winter break. Piątek, 25 października. i poniedziałek 28 października. jest w szkole przerwa zimowa. W tych dniach nie ma zajęć, a zajęcia pozaszkolne, zarówno w szkole, jak i w Ösp, są zamknięte. Życzymy wszystkim udanych ferii zimowych.

Nemendur í 5. bekk og umsjónarkennarar þeirra þær Nana og Júlía stóðu fyrir umhverfismennt og trjárækt þriðjudaginn 24. september. Þau gróðursettu 100 birkiplöntur sem Njarðvíkurskóli fékk í gjöf frá Yrkju. Þannig hjálpa þau til við að kolefnisbinda andrúmsloftið, ásamt því að fegra bæinn okkar. Plönturnar gróðursettu nemendurnir við hlið göngustígsins í Grænásbrekkunni og nutu við það hjálpar og leiðsagnar frá Steindóri í umhverfisteymi skólans. Njarðvíkurskóli þakkar nemendunum, kennurunum og öllum þeim sem komu að gróðursetningunni kærlega fyrir þeirra framlag.

Í tilefni samtalsdags í Njarðvíkurskóla þann 8.október næstkomandi mun 10.bekkur bjóða til sölu vöfflur og drykki með þeim. 10.bekkur er að safna fyrir skólaferðalagi sem þau stefna að í maí 2025 að Bakkaflöt í Skagafirði. Í boði verða vöfflur, kaffi og djús og verður posi á staðnum þannig að hægt verður að borga með korti og síma fyrir þá sem vilja.

Miðvikudaginn 25. september er starfsdagur í Njarðvíkurskóla. Allir nemendur eiga frí þennan dag. Frístundaheimili yngri nemenda og frístund í Ösp er lokað þennan dag. Wednesday the 25h of September is a teachers work day in Njarðvíkurskóli. All students have a vacation this day. The after school program is closed this day. Sroda, 25 wrzesnia, jest dniem pracy nauczycieli w Njardvikurskoli. Wszyscy uczniowie maja w tym dniu wakacje. W tym dniu zajecia pozalekcyjne sa zamkniete.

Mennta- og barnamálaráðuneytið gefur út aðalnámskrár grunnskóla á grundvelli laga um viðkomandi skólastig. Aðalnámskrár hafa ígildi reglugerðar og í þeim er kveðið nánar á um útfærslu laga og reglugerða. Þær kveða m.a. á um markmið og fyrirkomulag skólastarfs, kennsluskipan og viðmið um námskröfur og námsframvindu. Öllum grunnskólum er skylt að gefa út skólanámskrá. Skólanámskrá Njarðvíkurskóla skiptist í fjóra hluta: almennan hluta, starfsáætlun skóla, bekkjarnámskrár og starfsmannahandbók (sem er innanhúsrit). Bekkjarnámskrár er skipt eftir árgöngum. Þar koma fram koma m.a. fram bakgrunnsupplýsingar, viðmiðunarstundaskrá, læsisstefna Njarðvíkurskóla, námsmat, lykilhæfni, hæfniviðmið hverjar námsgreinar, kennsluefni, kennslugögn, kennsluhættir, námsaðlögun og námsmat. Bekkjarnámskrár fyrir alla árganga fyrir skólaárið 2023-2024 hafa nú verið birtar á heimasíðu skólans og hægt er að smella hér til að nálgast þær.

Aðalfundur foreldrafélags Njarðvíkurskóla verður haldinn á sal skólans mánudaginn 30. september nk. kl. 17:00-18:30. Dagskrá er eftirfarandi: - skýrsla stjórnar - ársreikningur - kosning nýrrar stjórnar - kosning formanns - önnur mál Í framhaldi af aðalfundi verður umræðufundur um leiðir til að efla samstarf foreldra og skólans. Foreldrafélagið og stjórnendur Njarðvíkurskóla verða með stutt innlegg inn í umræðuna sem er tækifæri fyrir okkur öll til að eiga samtal og móta hugmyndir um samstarf í þágu barna okkar. Við hvetjum forráðamenn til að fjölmenna á aðalfundinn og á umræðufundinn í kjölfarið. Bestu kveðjur, foreldrafélag Njarðvíkurskóla

Ólympíuhlaup ÍSÍ fór fram í Njarðvíkurskóla 11. september. Markmiðið með hlaupinu er að hvetja nemendur til þess að æfa hlaup og auka með því útiveru og hreyfingu. Jafnframt að kynna og skýra nauðsyn þess að hreyfa sig, reyna á líkama sinn og stuðla þannig að betri heilsu og vellíðan.

Í tilefni af alþjóðlegum degi læsis, þann 8. september, hefur Félag læsisfræðinga á Íslandi tekið saman upplýsingar með ráðleggingum um mikilvægi heimalestrar og hvernig nýta má gagnvirkan lestur til að efla lesskilning. Við hvetjum foreldra til að kynna sér ráðleggingarnar, þær eru einfaldar og aðgengilegar.