Um Njarðvíkurskóla

Njarðvíkurskóli er í Ytri Njarðvík í Reykjanesbæ. Skólinn er heildstæður grunnskóli með um 450 nemendur í 1. - 10. bekk og rúmlega 100 starfsmenn.

Sérstaða skólans: Umhverfisvænn grunnskóli sem leggur áherslu á lestrarnám upp allan grunnskólann.

Skólinn hefur undir sinni stjórn tvö sérhæfð námsúrræði sem þjóna öllum Reykjanesbæ. Ösp, er ætluð þroskaskertum og fötluðum nemendum og starfa þar kennarar, þroskaþjálfar, atferlisfræðingar, sérfræðingar, og stuðningsfulltrúar. Björk er ætluð nemendum með hegðunarerfiðleika sem yfirleitt eru tímabundið í úrræðinu. Í Björk starfar einn kennari og stuðningsfulltrúar. Námsúrræðin eru í tveimur húsum á lóð skólans. Tónlistarskóli bæjarins hefur aðstöðu til kennslu í skólanum og frístundaskóli, fyrir nemendur 1.-4. bekkjar, er rekinn í skólahúsnæðinu að loknum hefðbundnum skóladegi. Íþróttamiðstöð er í næsta húsi þar sem öll íþróttakennsla fer fram.

Skólinn var stofnaður 1942 og var skólahúsið tekið í notkun í febrúar 1943. Þá hefur oft verið byggt við húsið síðan eða fimm sinnum. Sumarið 1999 var húsið allt endurbætt að innan og er aðstaðan til fyrirmyndar. Skólinn á fjölbreytt úrval kennslugagna.

Rafn Markús Vilbergsson er skólastjóri og Guðný Björg Karlsdóttir aðstoðarskólastjóri. Í skólanum eru þrír deildarstjórar, deildarstjóri yngri deildar, 1.-6. bekkjar er Helena Rafnsdóttir, deildarstjóri eldri deildar, 7.-10. bekkjar er Jóhann Gunnar Sigmarsson og deildarstjóri stoðþjónustu er Ingunn Þormar. Náms- og starfsráðgjafi starfar við skólann.

Skólinn þjónar tveimur svæðum: Ytri- Njarðvík og Höfnum. Þessir staðir tilheyra Reykjanesbæ sem varð til við sameiningu þessara byggðarlaga ásamt Keflavík árið 1994.

Merki Njarðvíkurskóla
Skólasöngur Njarðvíkurskóla