Fréttir

Foreldradagur Heimilis og skóla 2018, í samstarfi við Menntamálastofnun, fer fram á Grand Hótel 2. nóvember 2018 kl. 13:00-16:00. Læsisuppeldi er umhyggja fyrir barninu en markmiðið málþingsins er að vekja foreldra til vitundar um mikilvægi læsisuppeldis. Aðgangur er ókeypis en mikilvægt er að skrá sig til þátttöku hér. Streymt verður frá viðburðinum á Facebook-síðum Heimilis og skóla og Menntamálastofnunar.

Á Alþjóðadegi kennara 5. október komu tveir fyrrum nemendur Njarðvíkurskóla í heimsókn. Ragnar Þór Pétursson formaður Kennarasambands Íslands kom færandi hendi í tilefni dagsins og gaf starfsmönnum skólans köku. Sigríður Ingadóttir frá Miðstöð skólaþróunar á Akureyri var með frábært bekkjarfundanámskeið, hagnýtt námskeið fyrir kennara og annað starfsfólk skólans.

Að hausti bjóðum við foreldrum/forráðamönnum á skólakynningar þar sem farið er yfir helstu áhersluatriði skólaársins hjá hverjum árgangi, s.s. námsefni og námsmat, ferðir og viðburði sem og annað skipulag. Nemendur sitja með foreldrum/forráðamönnum á skólakynningum í 4.-10. bekk en nemendur í 1.-3. bekk eru í öðrum verkefnum á meðan kynningu stendur á bókasafni skólans. Eftirfarandi tímasetningar eru á skólakynningunum haustið 2018: - Skólakynning fyrir 1. bekk er þriðjudaginn 11. september í heimastofum kl. 8:15. - Skólakynningar fyrir 2. bekk verða fimmtudaginn 13. september á sal skólans kl. 8:15. - Skólakynningar fyrir 3. bekk verða mánudaginn 10. september í heimastofum nemenda kl. 8:15. - Skólakynningar fyrir 4. bekk verða fimmtudaginn 13. september í heimastofum kl. 8:15. - Skólakynningar fyrir 5. bekk verða miðvikudaginn 12. september í heimastofum kl. 8:15. - Skólakynningar fyrir 6. bekk verða miðvikudaginn 12. september í heimastofum kl. 8:15. - Skólakynningar fyrir 7. bekk verða miðvikudaginn 12. september í heimastofum kl. 8:15. - Skólakynningar fyrir 8. bekk verða þriðjudaginn 11. september kl. 8:15 á sal skólans. - Skólakynningar fyrir 9. bekk verða föstudaginn 14. september kl. 8:15 á sal skólans. - Skólakynningar fyrir 10. bekk verða mánudaginn 10. september kl. 8:15 á sal skólans. Mjög mikilvægt er að hver nemandi eigi fulltrúa frá foreldrum/forráðamönnum á skólakynningunum. Bestu kveðjur, stjórnendur Njarðvíkurskóla

Njarðvíkurskóli hefur ákveðið að taka þátt í Göngum í skólann, verkefni á vegum Íþrótta- og Ólympíusambands Íslands, Landlæknisembættisins, Mennta- og Menningarmálaráðuneytisins, Ríkislögreglustjóra, Umferðarstofu, Slysavarnarfélagsins Landsbjargar og Heimilis og skóla. Verkefnið verður sett miðvikudaginn 5. september og lýkur formlega með alþjóðlega Göngum í skólann deginum miðvikudaginn 10. október. Þetta er í tólfta sinn sem verkefnið er haldið hér á landi og hefur þátttaka aukist jafnt og þétt. Markmið verkefnisins er að hvetja nemendur til þess að ganga eða hjóla til og frá skóla með því að auka færni nemenda til að ganga á öruggan hátt í skólann og fræða þá um ávinning reglulegrar hreyfingar. Ávinningurinn er ekki aðeins bundinn við andlega og líkamlega vellíðan heldur er þett einnig umhverfisvæn og hagkvæm leið til að komast á milli staða. Á síðasta ári tóku milljónir barna frá 40 löndum víðs vegar um heiminn þátt í Göngum í skólann með einum eða öðrum hætti. Nánari upplýsingar um verkefnið er að finna á vef þess www.gongumiskolann.is Þetta er í sjöunda sinn sem Njarðvíkurskóli tekur þátt í verkefninu Göngum í skólann í okkar skóla. Skólinn hefur nú þegar verið skráður til leiks og við hvetjum alla til þess að taka þátt. Hugmyndin er að vera með ýmsar uppákomur þann mánuð sem Göngum í skólann stendur yfir, einnig hvetjum við ykkur kæru foreldrar/forráðamenn til þess að nýta ykkur verkefnið og þá umræðu sem skapast þennan mánuðinn til þess að ræða þessi mál við börnin ykkar og fara öruggustu leið í skólann með yngstu börnunum. Vonandi gengur þetta vel hjá okkur. Verum endilega opin fyrir þessu og jákvæð og nýtum haustið til að vekja athygli á hreyfingu og öryggi barnanna okkar á leiðinni í skólann.

Skólaþjónusta RNB býður uppá ýmis fræðslu- og meðferðarnámskeið sem miða að því að styrkja foreldra í uppeldishlutverki sínu og aðstoða börnin við að takast á við tiltekinn vanda. Ólík námskeið eru í boði og eru þau sérsniðin að ólíkum aldri og þörfum barnanna. Námskeiðin byggja á vel rannsökuðum aðferðum og allir leiðbeinendur hafa viðurkennda og löggilda fagmenntun. Fræðslusvið stendur fyrir fjórum mismunandi foreldrafærninámskeiðum skólaárið 2018/2019. Með því að smella á linkinn er hægt að sjá nánari upplýsingar og hvenær þau verða haldin. https://www.reykjanesbaer.is/…/serfr…/foreldrafaerninamskeid

Skólasetning fyrir skólaárið 2018-2019 verður á sal skólans miðvikudaginn 22. ágúst á eftirfarandi tímasetningum: - nemendur í 2.-4. bekk kl. 9:00 - nemendur í 5.-7. bekk kl. 10:00 - nemendur í 8.-10. bekk kl. 11:00 - nemendur í 1. bekk kl. 12:30 Mikilvægt er að foreldrar/forráðamenn fylgi sínum börnum á skólasetninguna.

Skólaslit Njarðvíkurskóla verða við hátíðlega athöfn þriðjudaginn 5. júní á sal skólans. Tímasetningar eru eftirfarandi: 1.-3. bekkur kl. 9:00. 4.-6. bekkur kl. 10:00. 7.-9. bekkur kl. 11:00. 10. bekkur kl. 12:30. Nemendum, foreldrum og forráðamönnum er boðið upp á kaffiveitingar að lokinni útskrift nemenda í 10. bekk. Mælst er til þess að foreldrar/forráðamenn komi með sínum börnum á skólaslitin