Fréttir

Páll Valur Björnsson fyrrum kennari í Njarðvíkurskóla og núverandi kennari í Fisktækniskóla Íslands kynnti skólann fyrir nemendum í 10. bekk í Njarðvíkurskóla. Um er að ræða tveggja ára hagnýtt framhaldsskólanám til starfa í sjávarútvegi. Fisktækniskóli Íslands býður upp á fjölbreytt nám í sjávarútvegi á framhaldsskólastigi. Námið er hagnýtt tveggja ára gunnnám sem byggt er upp sem önnur hver önn í skóla og hin á vinnustað. Í starfsnámi er leitast við að bjóða nemendum upp á val um vinnustað /vetfang með hliðsjón af áhugasviði hvers og eins t.d sjómennsku, fiskvinnslu eða fiskeldi. Meðan á námstímanum stendur eru heimsóknir í stofnarnir og fyrirtæki tengd sjávarútvegi mikilvægur þáttur. Farið er í tvær námsferðir erlendis í samvinnu við samstarfsskóla okkar í Danmörku og Portúgal.

Tilkynning um röskun á skólahaldi Skólahald fellur niður í Njarðvíkurskóla 14. febrúar. Í ljósi þess að gefin hefur verið út rauð viðvörun fyrir okkar landssvæði fellur allt skólahald í leikskólum og grunnskólum Reykjanesbæjar niður á morgun, föstudaginn 14. febrúar. Sama gildir fyrir Tónlistarskóla Reykjanesbæjar. The school will be closed on February 14th due to bad weather. Please stay safe.

Þar sem veðurspá er mjög slæm fyrir morgundaginn ( föstudaginn 14.febrúar) þá biðjum við foreldra/forráðamenn að skoða eftirfarandi verklagsreglur grunnskóla við óveðri. Þegar veðurspár gefa til kynna að óveður sé í aðsigi á Suðurnesjum fylgjast Lögreglan og Almannavarnir gaumgæfilega með, hafa samstarf við skólana og gefa út viðvaranir til almennings, gerist þess þörf. Mikilvægt er að foreldrar sjálfir fylgist með veðri og veðurspám og hagi sér í samræmi við aðstæður hverju sinni. Foreldrar leggja sjálfir mat á hvort fylgja þarf barni í og úr skóla þótt engin tilkynning hafi borist frá yfirvöldum. Meti foreldrar aðstæður svo að ekki sé óhætt að börn þeirra sæki skóla þá skulu þeir tilkynna skólanum um það og lítur skólinn á slík tilvik sem eðlileg forföll. Við slíkar aðstæður eru skólarnir opnir og þar er öruggt skjól fyrir börnin. Informacja dotyczaca zaklócen zajec szkolnych z powodu niepogody. W przypadku jezeli, prognoza pogody przewiduje mocne wiatry i wichury na terenie Suðurnesja, Policja i sluzby cywilne beda czuwaly nad bezpieczenstwem obywateli. Sluzby te beda wspólpracowaly ze szkolami oraz ostrzegaly obywateli w razie potrzeby. Wazne jest, aby rodzice dzieci uczeszczajacych do szkól, obserwowali prognoze pogody i podejmowali samodzielnie decyzje w jaki sposób dziecko ma sie udac do szkoly, zgodne z warunkami pogodowymi. W gestii samych rodziców nalezy ocena czy dziecko nalezy odprowadzic czy tez przyprowadzic ze szkoly; pomimo braku odgórnych zalecen od dyzurujacych sluzb. W przypadku jezeli, rodzice stwierdza, ze ze wzgledów pogodowych, wysylanie dziecka do szkoly jest niebezpieczne, nalezy ten fakt zglosic telefonicznie do sekretariatu szkoly. Przypadek taki bedzie traktowany jako zwykla nieobecnosc. W kazdych warunkach pogodowych, szkola pracuje normalnie i jest otwartym i bezpiecznym schronieniem dla dzieci.

Á umhverfisdegi skólans þann 17. janúar var kaffihúsafundur meðal nemenda í 7. -10. bekk til að draga fram þeirra hugmyndir um stöðu loftslagsmála, bæði í nærsamfélaginu og almennt í heiminum.

Í dag á 112 deginum kom Jóhann Sævar Kristbergsson verkefnastjóri Eldvarnaeftirlits hjá Brunavörnum Suðurnesja færandi hendi þar sem Jón Ingi Davíðsson nemandi í 3. KK var dreginn út í Eldvarnargetraun sem er á vegum Landssambands slökkviliðs – og sjúkraflutningamanna. Í nóvember á hverju ári heimsækja fulltrúar frá Brunavörnum Suðurnesja nemendur í 3. bekk, fræða þá um eldvarnir heimilanna og helstu hættur sem ber að varast. Að lokinni þeirri heimsókn fá nemendur eldvarnargetraun sem þeir fylla út og senda síðan til Landssambands slökkviliðs- og sjúkraflutningamanna. Til hamingju Jón Ingi.

Markmið með degi stærðfræðinnar er tvíþætt. Að vekja nemendur og sem flesta aðra til umhugsunar um stærðfræði og hlutverk hennar í samfélaginu, einnig að fá nemendur til að koma auga á möguleika stærðfræðinnar og sjái hana í víðara samhengi. Á degi stærðfræðinnar voru allir kennarar í Njarðvíkurskóla hvattir til að vinna að stærðfræðilegum viðfangsefnum og horfa til þess að stærðfræði má sjá í flestum viðfangsefnum ef sett eru upp stærðfræðigleraugun. Þemað í ár hjá Fleti, samtökum stærðfræðikennara var mynstur. Í tilefni af deginum var stærðfræðigetraun meðal nemenda, þar sem nemendur í giskuðu á fjölda Lego-kubba í plastkassa. Fjöldi kubba var 76. Vinningshafar fengu bíómiða í Sambíóum Keflavík á sýningu að eigin vali. Sigurvegarar í ár eru: Elfar Þór Jónsson 1.HT, Elze Andrijauskaité 4.EA, Hildur Rún Ingvadóttir 7.ÞBI, Guðmundur Leo Rafnsson 8.AÁ og Guðmundur Hilmar Vilhjálmsson 9.ÞRH.

Nowa Szkoła Języka Polskiego jako Ojczystego prowadzi zajęcia na drugi semestr 2020 w Myllubakkaskóli w każdą sobotę. Urząd Miasta Reykjanesbaer zachęca rodziców dzieci polskiego pochodzenia do uczestnictwa w tej szkole. Szkoła jest otwarta dla wszystkich i nieodpłatna. W celu dokonania zapisu lub otrzymania dalszych informacji można się zwrócic pocztą elektroniczną do Pani Janiny Antochowskiej, pod adresem: janant2@interia.pl. Zapisy na obecny semestr wiosenny należy złożyć do dnia 15 lutego b.r. Pólskur móðurmálsskóli er starfræktur í Myllubakkaskóla alla laugardagsmorgna á vorönn 2020. Foreldrar barna af pólskum uppruna eru hvattir til þess að kynna sér starfsemi skólans og taka þátt í starfi hans með börnum sínum. Skólinn er opinn öllum og gjaldfrjáls. Til þess að sækja um nám í skólann eða fá upplýsingar skal hafa samband við Janina Antochowska, janant2@interia.pl. Ef óskað er eftir þátttöku á vorönn 2020 skal hafa samband fyrir 15. febrúar 2020. https://www.reykjanesbaer.is/is/stjornsysla/rnb/frettir/polskur-modurmalsskoli-i-myllubakkaskola-alla-laugardaga

Hérna getur þú sótt skjal með handbók sem inniheldur algengustu spurningar og svör fyrir aðstandendur nemenda í grunnskóla í tengslum við Mentor kerfið. Aðstandendur eiga sitt heimasvæði í Mentor sem kallast Minn Mentor. Þar er hægt að fylgjast með þeim upplýsingum sem skólinn skráir í tengslum við skólagöngu barnsins. Hægt er að skrá sig inn á svæðið í gegnum heimasíðu Mentor www.infomentor.is eða í gegnum Mentor appið

Í dag fengu nemendur í 6. bekk kennslu frá skólahjúkrunarfræðingi í endurlífgun. Fræðslan fjallaði um mikilvægi þess að temja sér rétt viðbrögð við hjartastoppi en þau felast m.a. í því að kanna áreiti, hringja á hjálp, opna öndunarveg og athuga með öndun og loks hjartahnoð. Farið var í hvern lið og endað á verklegri æfingu þar sem nemendur fengu að æfa sig á þar til gerðum æfingadúkkum . Foreldrar eru hvattir til að spyrja börnin sín út í fræðsluna og biðja þau að kenna sér réttu handtökin. Þannig fá þeir vonandi góða upprifjun og þekkingin festist enn betur í minni barnanna. Með þessu móti getum við margfaldað áhrif kennslunnar. Eins minnum við á skyndihjálparapp Rauða krossins og vefinn www.skyndihjálp.is. Þar er m.a. hægt að taka 2ja klst. ókeypis vefnámskeið í skyndihjálp sem við mælum eindregið með að allir gefi sér tíma til þess að taka, sem og auðvitað að fara reglulega á námskeið til þess að læra eða halda við verklegri þjálfun.

Þorgrímur Þráinsson heimsótti í dag nemendur í 8.HG, sem eru allt stúlkur, og las upp úr óútgefinni bók sem fjallar meðal annars um vinina Máney og Sóla. Stúlkurnar voru mjög spenntar yfir upplestrinum og öllu sem Þorgrímur ræddi um. Í lokin gaf hann öllum áritaðar bækur þar sem hann lagði áherslu á að lestur og góður orðafroði væri lykillinn að góðum árangri í lífinu. Njarðvíkurskóli þakkar Þorgími kærlega fyrir komuna. Hann náði mjög vel til stúlknanna, sem voru gífurlega ánægðar með heimsóknina og bókagjöfina.